Hananú!

Mér sýnist nú á þessum skrifum að þó að sumir séu kannski sáttir við kynhneigð sína þá séu þeir nú ekki alveg vissir á því hver hún er! Ég tel allavega augljóst að þessum síðasta pistli hafi meira verið ætlað það hlutverk að sannfæra höfundinn en lesendur.

Burt séð frá því þá var laugardagsköldið nokkuð gott. Ég byrjaði reyndar daginn á því að fara í golf klukkan 10 og var að til klukkan 5. Ansi gaman! Sössinn stóð sig með mikilli prýði og ég held að þegar hann verður búinn með næsta tíma hjá kennaranum (þar sem honum verður kennt að skjóta beint) þá verði hann óstöðvandi, enda með búnað sem hittir næstum sjálfur.

Ég ætla ekki að eyða of miklum orðum á laugardagskvöldið en verð að taka undir það með Tomma að biðraðirnar eftir leigubílum á Glaumbar eru ansi langar og augljóslega til þess fallnar að maður geri eitthvað heimskulegt.