Once you have Undercover brother you'll never have any other

Sjúbbí dú, en hvað þetta er búið að vera rólegt og notalegt páskafrí. Lítið um blogg eins og sést kannski hérna. Undirritaður skrópaði í fyrstu 2 tímunum í skólanum í dag þar sem hann er búinn að vera óhemju latur þessa dagana.

Annars var þetta bara óvenju fínt páskafrí. United er á miklu skriði í PL þessa dagana og er það mjög tvísýnt hvort það verður Asnenal eða United sem standa uppi sem sigurvegarar í vor. Það er hlutur sem að engum heilvita manni hefði getað látið sér detta í hug fyrir nokkrum mánuðum. Svo er líka mjög mikil spenna í baráttunni um Meistaradeildar sæti þar sem að Nefkastalinn hefur heldur betur verið að gefa eftir þessa dagana. Spurning hvort að þeir endi bara ekki í 5 sæti Lifrapolls mönnum til mikillar gleði. Þeir unnu einhvern grísa sigur á Charlton á mánudaginn þar sem að hinn glottandi Tommi álpaðist til að senda öllum Púllurum SMS í stöðunni 0-1. Hann hefði nú betur sleppt því, því að þegar síðasta SMSið var farið þá jafnaði hinn luralegi Sámur Hippi, og þá fékk Tomminn nokkur SMS til baka frá klökkum Lifrapollsmönnum og rétt þegar síðasta SMSið var komið þá álpaðist hinn höfuðstóri Stebbi Gerjaði til að skora sigurmarkið. Þá slökkti Tomminn bara á símanum í smá stund. En til hamingju með þetta Lifrapolls menn. Lifrapollurinn er nú búinn að ýta Evertonn langt niður fyrir sig og eru þeir nú úr sögunni um CL sæti. Baráttan þar stendur á milli Tjelsí, Njúkastl og Lifrapolls. Miðað við formið sem Njúkí pjúkí er í þá ættu það nú að vera Tjelsí og Lifrapollur í CL á næstu leiktíð.

Svo er náttúrulega stórleikurinn í kvöld. Frídagur á morgun og spurning með nokkra öllara.

Þangað til næst.....