Fly fatass fly....

Jæja jæja, það hefur nú verið lítið um blogg á þessum síðustu og verstu tímum, ástæðurnar eru jú jafn mismunandi eins og þær eru margar og ætla ég mér nú ekki að fara að röfla eitthvað um það hér. Shit shit shit hvað ég er handónýtur í dag. Tommi mætti í íþróttir 601 í skólanum sínum í dag. Hann hefði nú betur sleppt því. Hann Tommi litli þurfti náttúrulega að þykjast vera jaxl í tækjasalnum og var að lyfta einhverju ægilega þungu (að hans mælikvarða) án þess að hafa hitað nægilega vel upp, og viti menn, heldurðu bara ekki að kallinn hafi tognað í hálsinum í öllum þessum átökum auch. Núna getur kallinn varla snúið hausnum án þess að emja eða gretta sig af einhverjum sársauka. Satana bercene.

Jæja, annars hefur vikan bara verið ágæt. Sunnudagsboltinn síðast fór mjög vel og Gæi nokkur Hadda fékk að kenna á því og tapaði 7-0 hahahahaha. Þar fékk marr uppreisn æru frá vikunni áður. Svo á þriðjudeginum fór mín heittelskaða spúsa til Grundarfjarðar og aumingja Tommi litli var einn í kotinu frá þriðjudegi til fimmtudags. Þá var nú margt og mikið brasað... látum okkur nú sjá, jú jú, CM var spilaður stíft, FIFA 2003 og C&C Generals. Karlinn tók nú líka aðeins í skólabókina þótt ótrúlegt megi virðast. Hann var jú að fara í próf hjá títtnefndri leðurlesbíu og miðað við það góða run sem ég hef verið á þá má ég nú ekki klúðra því með lélegri einkunn.

Frétt vikunnar: A. Ferguson sparkaði takkaskó í D. Beckham og allt varð vitlaust. En ég er vissum að Sörinn hafi gert þetta af ásettu ráði. Hann er jú alveg ótrúlega hittinn, sérstaklega þegar hann sparkar skóm, og svo er náttúrulega hinn heilalausi D.Beckham óvenju höfuðstór þannig að hann hefur legið vel við höggi. Sörinn hefur líklega þrumað helvítis skónum í hausinn á honum til að reyna að virkja hina heilaselluna í kvikyndinu fyrir Juve leikinn. Og viti menn, ég held að kallinn hafi gert góðan hlut þar. Jú jú, Becksarinn átti stórleik, var mjög vinnusamur og átti 2 stórkostlegar sendingar sem gáfu mörk. Enda ekkert skrítið þar sem hann veit manna best af skothæfni Sörsins. Líklega hefur karlgreyið ekki viljað fá vinstri skóinn af Sörnum aftur í hausinn, og lái honum hver sem vill. En United unnu þar góðan sigur og eru í virklega góðum málum í sínum riðli.

Svo var náttúrulega hið mikla Lifrapolls lið að spila í hinni GRÍÐARSTERKU UEFA bikarkeppni á móti STÓRLIÐINU AUXERRE og hafði þar nauman 1-0 sigur með marki frá Júlla Jóns (eða Hypia eða hvað sem hann heitir aftur).

Jæja þetta er nú orðið ágætt af röfli í bili

Þangað til næst......