Sössi segir

Mikið gaman

Sössi segir

Fimm af stelpunum í brúðarbandinu voru á Rás 2 í dag í viðtali að kynna diskinn sem þær eru að fara að gefa út. Þær voru jafn hressar og skemmtilegar og vanalega. Í miðju viðtali var ég truflaður og spurður af hverju ég væri að brosa eins og mongólíti. Ég notaði tækifærið og plöggaði fyrir brúðarbandinu, tvisvar.

Allavega tvö lög voru spiluð af disknum og djöfulsins snilld mar.

Einræðisflokkur Íslands kunngjörir

Tveir þriðju hlutar framkvæmdnefndar flokksins eru sem stendur góðir og glaðir enda áróðurmálafulltrúi flokksins kominn með 35.5 í forgjöf. Slíkum árangri ber að fagna. Hins vegar fordæmir einræðisherra vor þann skrípaleik sem forsetakosningar eru. Þessari samkynhneigðu grísku endaleysu verður að linna.

-Heiðarlegt arðrán, allra hagur-

Sössi segir

Helvíti ku vera skipt í níu stig og það nínunda þeirra óþægilegast. Samkvæmt prófi á netinu mun ég eyða eilífðinni á öðru stigi helvítis sem er frátekið fyrir þá sem láta stjórnast af dásemdum holdsins. Sem dæmi um félagsskapinn voru nefndar Kleopatra og Helena af Tróju. Svo sössinn er bara nokkuð sáttur þessa daga.

Sössi segir

Nú er ég formlega orðinn nýsveinn í prenti. Það var semsagt útskrift áðan sem fór þannig fram fólki var boðið upp á áfengi, svo kom forstöðumaður Prenttæknistofnunar dótinu í gang án þess að halda ræðu. Skírteini og viðurkenningar voru afhent hratt og örugglega. Þvínæst snittur og meira áfengi. Broskall

Einræðisflokkur Íslands sér ekki tilefni til að fagna þessum fimmtudegi umfram aðra. Erum farnir í Golf.

Sössi segir

Jamm

Var að koma úr vinnuni (kl. 03.24.09) Þrestir að tjá sig fyrir utan og ég nenni ekki að fara að sofa alveg strax. Held ég mönchi og klóri mér á maganum, jafnvel spurning um champa. Já ég er nörd og það er afbragð :-)

Hananú!

Orðið nokkuð langt síðan ég tjáði mig hér síðast... og ýmislegt skeð.

Ég (og Emil) stóð uppi sem óumdeildur sigurvegari golfmóts Deloitte sem haldið var að Flúðum síðasta föstudag. Spilað var hörku golf og sennilega hef ég aldrei leikið betur. Við Emil náðum mjög vel saman og fengum allskonar drasl og dót í verðlaun, sumt cool annað svona hmmmmm.

Reyndar hefur golfiðkun verið í algeru lágmarki eftir mótið þar sem EM er byrjað. Leikirnir eru akkúrat á golftímanum og erfitt að sjá hvernig ég mun leysa þetta vandamál. Annars eru til lausnir við öllum hlutum, sumir vilja bara ekki sjá þær.

Ég var að ljúka við bók sem Dalai Lama skrifaði sem nefnist "Betri heimur". Þessa bók hef ég verið að lesa til þess að ná að róa mig betur í golfinu og auk þess hef ég lesið fleiri bækur eftir Lamann og aðra spekúlanta.

Ég setti mér markmið fyrir sumarið en það var að ná forgjöf fyrir neðan 30 í golfinu. Ég er nú þegar kominn í 27,5 og er ekki í vafa um það að lesturinn hefur hjálpað mér verulega í vor og það sem af er sumars (Tómas, ég get lánað þér þessar bókmenntir). Fyrst í vor tókst mér að eyðileggja heilan hring með slæmri fyrstu eða annari holu, en nú spila ég áfram og (eða hætti á skynsamlegum tíma á holu þar sem illa gengur) er yfirleitt að gera ágætis hringi.

Detroit eru síðan að flengja Lakers liðið eins og 19 ára klappstýru... verð að viðurkenna að mér finnst það alveg frábært og er að vona að þeir klári þetta í nótt. Ætlaði að horfa á leikinn en þarf að mæta á fund klukkan 9 í fyrramálið þannig að ég verð líklega að gefa þetta frá mér.

Í viðbót við þetta var ég að hefjast handa við mjög áhugavert prívat verkefni. Ég ætla að bera saman þjóðsögur ólíkra menningarheima (Grikkja, Norrænna ofl.) og skoða nokkuð vel hvað er líkt og hvað er ólíkt. Hef lúmskan grun um að það sé eins með þessar sögur og trúarbrögðin, einhver rauður þráður í þeim öllum. Hugmyndavinnan er komin af stað og nú er ég að hanna mér módel til að vinna eftir, þetta verður nú að vera svolítið vísindalegt hjá manni.

Sössi segir

Verð áfram hjá Odda. :-)

Sössi segir

Ég hata "að fara í bæinn". Mér líður eins og Sisyphusi, sem guðirnir dæmdu til að ýta steini upp vissan hól til eilífðarnóns aðeins til að sjá hann velta niður þegar á toppinn er komið. Líkur á náðun eru líklega engar.